അയര്ക്കുന്നം: പഞ്ചായത്തില് ആധുനിക സൗകര്യങ്ങളോടുകൂടിയ എംസിഎഫിന്റെ ഉദ്ഘാടനം ചാണ്ടി ഉമ്മന് എംഎല്എ നിര്വഹിച്ചു. പഞ്ചായത്ത് ഭരണസമിതിയുടെ നേതൃത്വത്തില് നിര്മിച്ച എംസിഎഫ് ജില്ലയിലെ ഏറ്റവും വലുതും ആധുനിക സജ്ജീകരണങ്ങളായ ബെയ്ലിംഗ് മെഷീന്, കണ്വെയര് ബെല്റ്റ് ഹരിതകര്മ സേനയ്ക്ക് പ്രത്യേക ഓഫീസ് സംവിധാനം എന്നിവ ഉള്പ്പെട്ടതാണ്.
പഞ്ചായത്ത് പ്രസിഡന്റ് സീന ബിജു നാരായണന് അധ്യക്ഷത വഹിച്ചു. ജില്ലാ പഞ്ചായത്തംഗം റെജി എം. ഫിലിപ്പോസ്, ജിജി നാകമറ്റം, ഷൈലജ റെജി, ജയിന് വര്ഗീസ് ഇരട്ടാനയില്, ജോയ്സി ജോസഫ്, ലിസമ്മ ബേബി, സുജാതാ ബിജു, ചന്ദ്രിക സോമന്, വി. അരവിന്ദ്, ടോംസി ജോസഫ്, ലാല്സി പി. മാത്യു എന്നിവര് പ്രസംഗിച്ചു.